Kathryn Bernardo is still a Kapamilya.
Kathryn Bernardo gets emotional as she expresses her appreciation to her family and friends: “Last year was a very, very hard time for me… Nandiyan sila lahat and they make my life lighter, they make everything so much better.”
PHOTO/S: STAR MAGIC YOUTUBE
Hindi napigilang maging emosyunal ng Kapamilya A-lister na si Kathryn Bernardo nang muli siyang mag-renew ng exclusive contract sa Star Magic, ang talent management arm ng ABS-CBN.
Pagkatapos ng ilang buwang espekulasyon, naganap na sa wakas ang inaabangang contract signing ni Kathryn sa Kapamilya network ngayong Biyernes ng hapon, February 2, 2024.
Present sa contract signing ang lahat ng top executives ng Kapamilya network, na isang pagpapakita ng suporta sa kanilang prized talent.
Naroon sina Chief Executive Officer and President Carlo Katigbak, Chairman Mark Lopez, Chief Operating Officer for Broadcast Cory Vidanes, Head of Star Magic and Entertainment Production Laurenti Dyogi, Head of ABS-CBN Films Kriz Gazmen, Chief Finance Officer Rick Tan, at Head of Star Magic Marketing and Senior Talent Manager Alan Real.
Matapos pumirma ng kontrata, isa-isang pinasalamatan ni Kathryn ang lahat ng taong tumulong, nakasama, at nagmahal sa kanya sa loob ng dalawang dekada niya sa show business.
Kabilang na rito ang ABS-CBN, fans, kaibigan, at kanyang pamilya.
Ayon kay Kathryn, malaki ang utang na loob niya sa ABS-CBN, na itinuturing niyang pangalawang tahanan, dahil sa pagbibigay nito ng pagkakataong tuparin ang kanyang mga pangarap.
Ilang pagsubok man ang hinarap at haharapin pa ng kanyang home network, pangako ni Kathryn na kailanman ay hinding-hindi niya ito iiwan.
Saad ng aktres, “I remember in 2020, I made a promise. Sinabi ko sa ABS-CBN na, ‘Hindi kita iiwan at nandito lang ako hanggang makabangon ka ulit.’
“And today, here I am, fulfilling that promise. Ang daming nangyari sa ABS-CBN but mahal ko, e — mahal ko sobra yung kompanya.
“Together, we will rise despite all the challenges, we’ll be stronger and even better.
“To my bosses, you’re like a family to me, and my friends. Itong signing ng contract na ito [ang dahilan] is because I trusted you more than anybody when it comes to work.
“I’m signing this contract to seal the friendship. Hindi ako mag-i-stay dito sa ABS-CBN kung wala kayo. Malaking parte sila kung bakit ako nandito.”
